Luqaas 6:27-36

²⁷ Yesus itti fufee, Ani garuu isin warra na dhageessaniin, diinota keessan jaalladhaa warra isin jibbaniifis gaarii godhaafan isiniin jedha. ²⁸ Warra isin abaaran eebbisaa, warra isin arrabsaniifis kadhadhaa! ²⁹ Namni maddii kee gara tokko yoo si kabale, isa gara kaaniis itti qabi! Namni kootii kee yoo si iraa fudhate, qomee kee iyyuu isa hin dhowwatin! ³⁰ Abbuma si kadhateef kenni, qabeenya kee isa si duraa fudhates, naa deebisi jettee, hin gaafatin! ³¹ Namoonni akka isinii godhaniif kan jaallattan, isinis akkasuma isaaniif godhaa! ³² Warra isin jaallatan duwwaa yoo jaallattan, galanni keessan maali ree? Warri hin amanne iyyuu warra isaan jaallatan in jaallatu. ³³ Warra gaarii isiniiif godhan duwwaadhaaf gaarii yoo gootan, galanni keessan maali ree? Warri hin amanne iyyuu akkasuma in godhu. ³⁴ Warra isinii baasan duwwaadhaaf yoo liqeessitan galanni keessan maali ree? Warri hin amanne iyyuu isuma liqeessan deebisanii argachuudhaaf cubbamoota akka isaaniif in liqeessu. ³⁵ Isin garuu diinota keessan jaalladhaa, gaariis godhaa, nuuf baasu jettanii utuu hin abdatinis liqeessaa! Gatiin keessan guddaa in ta'a, ijoollee aabbaas in taatu; innoo warra galata hin qabnee fi warra hamootaaf iyyuu arjaa dha. ³⁶ Abbaan keessan oo'a-qabeessa akka ta'e isinis oo'a-qabeeyyii ta'aa!" jedhe.

Bal'inaan Dubbisi